Davao City – Mokapin sa 100,000 ka mga estudyante sa Davao Region ang na-enroll sa gihimong early registration sa Department of Education (DepEd-XI).
Sa Early Registration Monitoring Report sa DepEd sa April 5, 2021, 4:00PM, muabot sa 108,067 ang grand total sa enrollees sa rehiyon nga naggikan sa 2,203 ka pampublikong eskwelahan sa DepEd-XI.
Sa maong ihap, 19,913 enrollees niini nagikan sa Kindergarten. Grade 1 (45,990), Grade 7 (23,914), ug Grade 11 (18,250).
Ang DepEd-XI lamang usab ang nag-insurang rehiyon sa nasud nga 100% nga naka submitar ang tanang eskwelahan sa data alang sa early registration.
Gibutyag usab sa DXDC RMN Davao ni Jenielito Atillo, DepEd-XI Spokesperson nga dako ang posibilidad nga madugangan pa ang ihap sa enrollees nga mulungtad pa hangtud Abril 30, 2021.
“Kanang 100% dinha referring to schools lang na siya, meaning tanang schools sa region naka submit na sa ilang early enrollees data pero kung naay dugang sa figures, dako pa kaayong posibilidad,” mensahe ni Atillo.
RadyoMaN Kirby Manzon
