DepEd-XI: Reklamo batok sa usa ka teacher giimbestigahan

52
Davao City – Nagpahigayon na og imbestigasyon ang Department of Education (DepEd-XI) kabahin sa giingong nangmolestiya nga lalaking magtutudlo sa usa ka eskwelahan dinhi sa syudad sa Davao.

Sa interbyu sa DXDC RMN Davao kang Jenielito Atillo, tigpamaba sa DepEd-XI, gibutyag niini nga gipadangat na sa ilang opisina ang reklamo rason nga gilayong naglusad og imbestigasyon ang departamento aron masayran ang tanang anggulo sa insidente lakip na kung pila ang ihap sa mga biktima nga giingong iyang mga estudyante.

Matud ni Atillo, sayo pa aron hukman ang magtutudlo diin kinahanglang respitohon ang due process sa investigating body una desisyonan ang iyang kaso subay usab sa palisiya sa DepEd.

“Daghan kaayo’g nangutana what will happen to the teacher? Masuspenso ba? Matanggalan ba og trabaho. Ang posisyon nato sa pagkakaron is that it is very premature to say kung unsay posibleng dangatan niini gumikan kay nagapahilona pa man og imbestigasyon,” sulti ni Atillo.

Sa inpormasyon sa DepEd-XI, anaa karon sa kustodiya sa kapulisan ang gireklamong magtutudlo samtang nagpadayon ang imbestigasyon.

RadyoMaN Kirby Manzon

Facebook Comments