DEPED-XI: School random drug test mahinayon

22

Davao City – Gikumpirma karon sa Department of Education 11 (DEPED-XI) nga magpahigayon sila og random drug testing ngadto sa mga tulunghaan sulod sa rehiyon.

Subay kini human magpahigayon usab og random drug testing sa mga pampublikong tulunghaan sa Quezon City.

Sumala ni DEPED-XI spokesperson Jenielito Atillo, maghulat lamang sila og direktiba gikan sa lebel sa nasyunal nga magpatuman og ramdom drug testing ngadto sa mga tulunghaan.

Gipasabot ni Atillo nga una magpahigayon sa maong test, gikinahanglan usa ipailawom sa massive training nga pangulohan sa DEPED ang mga medical personnel lakip ang mga school administrators ug mga kadagkoan sa DEPED.

“So far wala pa man na nahitabo, busa sa Region 11 wala panato na na-conduct because that’s a prelude of drug testing,” segun niini.

Saysay sa tigpamaba sa DEPED-XI nga maghulat sila sa opisyal nga pagpahigayon sa maong mga rekisitos ingon man sa pagpaabot sa mando gikan kang DEPED Sec. Leonor Briones.

RadyoMaN Jason Amisola

Facebook Comments