Davao City – Nanawagan ang Department of Education XI ngadto sa Commission on Elections nga mahatagan gayod og igong proteksyon ang tanang mga magtutudlo nga magsilbi isip Board of Election Inspectors (BEIs) karong Barangay ug SK elections.
Nanganti si DepEd XI Spokesperson Jenelito Atillo nga seguraduhon nga luwas ang mga BEIs ilabina sa mga lugar nga kritikal.
“Panawagan usab nato isip Departamento sa Edukasyon is that they have to take good care of our teachers katong sa mga lugar nga makonsidera nato nga mga lugar nga medyo kritikal kinahanglan nga i-assure sa COMELEC ang seguridad sa mga magtutudlo,” sumala ni Atillo.
Hangyo ni Atillo nga kung aduna may mga ‘legal problems’ nga plastaron usab ang tabang para sa mga BEIs.
“Because based on experience basta ganiy adunay mapildi nga kandidato dinhi sa Pilipinas magtuo man gyod na sila nga wala gayod sila napildi gumikan kay wala sila giboto, ang ilang gituohan is gitikasan sila unya number one sa ilang listahan kining mga teachers dayon,” matud ni Atillo.
Gitataw ni Atillo nga imposible usab nga isakripisyo sa mga titsers ang ilang kinabuhi alang lamang sa pila ka gatus nga ilang dawaton pagsilbi isip BEIs.
RadyoMaN Aimee Guinita
