Literalmente ya despidi el 31-año de edad persona consu antes nobya quien ya saparata conele pormedio de termina su vida na Ifante Drive, Talon-Talon del Lunes por la noche.
Con el victima de suicidio ya conose como si Pilarico Navarro y Amier, soltero del mencionao lugar.
Na report del pulis ta aparese que del mas reciente ya saparta con Navarro su nobya nombrao como si Ana Rose Nale.
Del Lunes yan man cambiajan pa mensaje de despidida si Navarro y si Nale.
Pero despues ya despidi si Navarro con Nale nohay mas este contesta maga mensaje del mojer.
Porcausa con este, si Nale dayun ya pidi ayuda con Jerry Fuentes quien conosido tambien con Navarro.
Alas 8 del noche cuando ya descobri si Fuentes y otro maga familia di Navarro que muerto ya este y culgao el fescueso adentro del diila casa.
