Detachment ibutang sa boundary sang Brgy. Ned, Lake Sebu, mga bakwit nagbalik na sa ila lugar.

Magabutang sang detachment ang 27th Infantry Batallion Philippine Army sa boundary area sang Brgy. Ned, Lake Sebu South Cotabato kag Palimbang, Sultan Kudarat agud nga maprotektahan ang seguridad sang mga residente sa lugar.
Ini ang base sa istoryahanay sang pamunuan sang 27th IB Philippine Army kag South Cotabato Governor Reynaldo Tamayo Jr. sang nagsaka sila sa Brgy.Ned suno kay PDRRMO Operations Incharge Rolly Aquino.
Ginkumpirmar niya man nga tigayon na nga nagbalik ang masobra duha ka gatos nga mga residente nga nagbakwit halin sa tatlo ka mga sitios sang Brgy. Ned nga apektado sang rido sa boundary sang Palimbang, Sultan Kudarat matapos ang ginpatigayon nga dayalogo sang gobernador sa duha ka grupo nga may konflikto.
Ginpasiguro man ni Aquino nga padayon ang ila himuon nga monitoring sa sitwasyon sang mga residente sa lugar kag liwat man suno pa nga maghatag sang ayuda ang provincial government.