Detachment sa CAFGU sa Lake Sebu-gisulong sa NPA

133

South Cotabato – gisulong sa mga armadong lalaki nga sakop sa New People’s Army ang Detachment sa CAFGU nga nahimutang sa Sitio Lamsuging, Barangay Lamfugon, Lake Sebu, South Cotabato.

Kaadlawon sa nakalabayng adlaw dihang giharass sa NPA nga gituohang sakop sa guerilla front 73 sa far South Mindanao Region (FSMR) ang Detachment sa Golf Company sa CAA, ilawom sa 72nd Infantry Battalion sa Philippine Army pinaagi sa pagpaulan ug bala gamit nag tag-as nga matang sa armas.


Nakabalos ang tropa sa CAFGU nga miresulta sa pagbinayluay ug bala sulod sa kapin tulo ka minotos.

Miatras ang mga rebelde padulong sa nabukid nga bahin sa lugar human wala nakaya ang CAFGU ug mga miresponding back-up sa tinugyanan sa balaod.

Walay natalang namatay ug samdan sa nahisgutang engkwentro. Narekober gikan sa lugar ang (9) ka empty shell sa kalibre 30 ug 10 empty shell sa Caliber AK47.

Sa karon padayon ang clearing operation sa sakop sa 72nd Infantry Battalion sa kabukirang bahin sa Lake Sebu, aron gukdon ang mga miyembro sa NPA nga responsabli sa pagpangharass.




Facebook Comments