Digos City gi-alerto batok kalamidad

39

Davao City – Nagpahimangno ang Local Government Unit (LGU) sa Digos City, Davao del Sur sa ilang mga residente batok sa kalamidad sama sa pagbaha resulta sa kusog nga pag-ulan.

Sa interbyu sa DXDC RMN Davao kang Digos City Mayor Josef Fortich Cagas, nagpahinumdom kini sa mga anaa sa mga lugar nga sagad gina baha ug mga areas nga nagadahili ang yuta nga kanunayng mag migmat.


“Ang akong panawagan sa tanang katawhan diri sa Digos nga kanunay’ng mag amping labi na ‘tong sa mga flood-prone areas ug landslide-prone areas. Og mahimo, kanunay atoang tan-awon ang dagan sa panahon labi na og mukusog gyud ang ulan,” saysay ni Cagas.

Kahinumduman nga miabot sa 412 ka pamilya o anaa sa 1,772 ka indibidwal ang gi-evacuate human sa grabeng pagbaha sa Digos City niadtong Domingo (June 28, 2020) diin ubay-ubay ka mga barangay ang apektado.

RadyoMaN Kirby Manzon

Facebook Comments