DILG-XI: Herd immunity angay makabot sa LGUs karong 2021

32

Davao City – Mas pakusgan pa sa City Government of Davao ang gipatumang mga lakang ug uban pang estratehetiya aron makab-ot ang herd immunity batok Coronavirus Disease 2019 (COVID-19).

Kini human nga gipulong sa Department of Interior and Local Government (DILG) ang mga Local Chief Executive (LCE) sa Davao Region ug gitan-aw ang ilang performance labot sa COVID-19 vaccination.

Sumala kang Davao City Mayor Sara Duterte-Carpio (sa interbyu sa city-owned radio) gimandoan sa DILG ang mga LCEs nga magbaton og strategies aron makab-ot ang daily target sa vaccinees ug makab-ot ang herd immunity una mahuman ang tuig, 2021.


“Last week gipatawag tanan Mayors sa DILG. Gipakita didto ang performance sa mga LGU sa (COVID-19) vaccination and we were reminded to get it done before the year ends,” butyag ni Mayor Sara.

Sa Davao City, kinahanglang makuha sa Local Government Unit (LGU) ang 16,695 daily target sa pagbabakuna, rason nga paningkamutan pa sa lokal nga gobyerno tungod kay mo-average pa lang sa 10,000 hangtud 12,000 ang mabakunahan sa LGU nga nag-agad usab matag adlaw.

Padayon ang pahinumdom ni Duterte-Carpio ngadto sa Davaoeños ang pagpabakuna ug padayong pagsunod sa minimum public health standards batok COVID-19.



RadyoMaN Kirby Manzon

Facebook Comments