DILG XI nagpahimangno batok epal nga mga pulitiko

13

Davao City- Gipahimangnuan sa Department of the Interior and Local Government (DILG) Region XI ang mga pulitiko nga siguraduhong dili makalapas sa election code kung manghatag man og mga ayuda sa katawhan.

Sa interbyu sa RMN Davao kang Alex Roldan, DILG XI Regional Director, gi-discourage niini ang mga pulitiko nga magbutang og ilahang mga pangalan o mas labing maayong klaruhon nila kini aron dili mamahimong hinungdan sa ilahang disqualification kung mudagan man sila sa taliabot nga eleksyon.


“Mao na akong warning sa mga pulitiko that you have to make sure nga dili siya magamit against sa disqualification sa inyo. You have to remember na inig makakuha og ebidensiya ang inyohang mga kalaban pag-file ninyo’g certificate of candidacy basin naa nay mu-file og disqualification sa inyo,” matud niini.

Matud ni Roldan adunay mahimo ang katawhan batok sa mga ‘epal’ nga pulitiko nga ginagamit ang ayuda sa gobyerno diha sa pagpahumot sa ilahang mga pangalan.

Pwedi nilang i-post kini sa social media aron makamatngon o makamatikod ang mga muhimo niini nga dili sila maayong ehemplo diha sa tinud-anay nga pagpangalagad sa publiko.

RadyoMaN Aimee Guinita



Facebook Comments