Dili paggawas sa adlawng Domingo giuyonan

27

Davao City – Naka-uyon ang usa ka Ginang nga si Nanay Lydia Bacalso, hamtung ang edad, residente sa Matina ning siyudad sa Davao sa gipatuman sa siyudad nga dili pagawas sa adlaw’ng Domingo subay sa guidelines sa Modified General Community Quarantine kun MGCQ sa dakbayan.

Sumala niini nga ang pagpondo sa balay nianang adlawa, nakahatag kini’g taas nga oras nga maka-bonding sa pamilya.


Saysay ni Nanay Lydia, ang iyang bana usa ka Mason-Panday ug Lunes hangtod sa Sabado kanunay kining anaa sa trabaho ug sa adlaw’ng Dominggo manabong ug wala na silay panahon aron magkaistorya.

Apan matud pa karon ra kini nahitabo sukad sa iyang pagkaminyo nga magkatapok sila sa pamilya sa mao nga adlaw kay siya usahay lang ang mahibilin sa ilang balay, bisan iyang mga anak aduna usab kini kaugalingong lakaw sa adlaw’ng Domingo kaniadto.

Segun niini nga isip inahan dako niyang kalipay nga makitang kompleto ang iyang tibuok miyembro sa pamilya sa adlaw’ng Domingo.

RadyoMaN Paul Canono

Facebook Comments