Dinakpan sa Police Station 4 nga nahilambigit sa droga-gipasakaan na ug kaso

30
Handcuffs

General Santos City–Gipasakaan na sa kapulisan ug kasong kalapasan sa Section 5 ug 11 sa Article II sa Republic Act 9165 ang suspetsadong si Dener Obaño kansa unang nasikop sa otoridad human gipahigayon ang usaka buy-bust operation niadtong milabay nga semana sa usa ka lugar sa Barangay San Isidro dakbayan sa Gensan.

Kahibaloan nga gilusad sa mga personahe sa Police Station 4, uban ang koordinasyon sa PDEA-12 ang maong operasyon kung asa malampusong nadakpan ang suspek human napalitan ug ginadiling droga sa usa ka nagpakaron-ingnon nga poseur buyer nga usa usab ka pulis gamit ang 500 pesos nga buy-bust money.

Sa kasamtangang nagpabiling nagtingakol sa selda sa San Isidro PNP ang dinakpan samtang gipaabot na lamang sa kapulisan ang commitment order niini aron hingpit na kining mabalhin sa Gensan City Jail.(RV)

Facebook Comments