Dipolog City-Sa wala pa ang Formal Wear Competition mibisita og mihatag pagtahud sa buhatan sa gobernador ang 30 ka mga contestant sa Man of The World 2019 uban sa mga organizers sa Prime Event Production Philippines Production Foundation.
Kini malipayon giabi-abi og gipahalipayan sa gobernador, ang 30 ka mga Candidates sa Man of The World 2019. , nga gihimo ang Pre-pageant dinhi sa dakbayan sa Dipolog.
Dakung garbo kini sa dakbayan sa dipolog nga adunay International Male Pageant nga gipahigayon sama niining Man of the World.
Niadtong Hulyo 05 , nahidagat dinhi sa dakbayan sa Dipolog ang mga candidates ug mga organizer sa Man of The World 2019, gipahigayon ang Pre-Pageant Competition langkob sa Swim Wear ug ang Formal Wear didto gipahigayon sa Zamboanga del Norte Convention and Sports Center niadtong Hulyo 7-8.
Dugang pa nga mibisita usab sila sa mga tourist destinations dinhi sa lalawigan sama sa Pinahon Island sa Sibutad ,Linabo Peak ,Dipolog Boulevard , Cogon Eco Park ug uban pang tourist destination dinhi sa Dipolog.
Kahibaloan nga ang MAN OF THEWORLD 2019,usa ka male pageant diin mipadayag ang mga Contestants sa ilang mga nagdaiyang adbokasiya kabahin sa Mental Health Awareness , Youth Empowerment Thru Education ug uban pa , nga giapilan sa mga contestants gikan sa nagkalain-laing nasud gikan sa nagkadaiyang kontinente.
Ang Grand Coronation Night sa Man of The World 2019, gipahigayon didto sa San Juan City, Manila kagahapong adlawa.(Zorayda Mustaril)
