Dipolog City Mayor Darel Dexter T. Uy mihatag ug inspirasyon sa mga magtutudlo sa DepEd Dipolog City Division

18

Nahimung tigpamaba isip paghatag ug inspirasyon sa tanang mga magtutudlo sa DepEd Dipolog City Division ang Mayor sa siyudad sa Dipolog nga si Hon.Mayor Darel Dexter T. Uy atul sa gipahigayung DepEd Awards Night didto sa Passio del Hotel kaniadtong gabii sa Oktubre singko ning tuiga.

Sa Speech nga gipadangat sa City Mayor, iyang gipasigarbo ug maayu ang tanang mga magtutudlo sa Siyudad sa Dipolog tungud sa dili matupngan nga serbisyo ang gihimu niini sa tanang mga magtutungha sa Siyudad.

Sumala pa ni Mayor Uy nga saludo siya sa mga magtutudlo tungud kay bisan pa sa kakulangun sa mga panginahanglang pang-akademiko sa sulud sa klasrum, apan nakapangita ug pamaagi ang mga magtutudlo arun lamang matudluan sa sakto ang mga magtutungha.

Gihagit ni Mayor Uy ang mga magtutudlo nga ipadayun ang mga maayung nasugdan tungud kay matud pa niya ang tanang mga propesyunal nga indibidwal sa katilingban nagagikan kana sa pag-amuma sa tanang mga magtutudlo.

Facebook Comments