Director sang Regional Hospital may mga kwestyon sa One Time Bigtime mass testing sa Bacolod kag Negros Occidental

20

Welcome development sa Corazon Locsin Montelibano Memorial Regional Hospital (CLMMRH) ang One Time Big Time Mass Testing sa Bacolod kag Negros Occidental apang madamo sang palamangkutanon ang pamunuan sini.

Sa interview sang DYHB sa medical director sang CLMMRH nga si Dr. Julius Drilon, ginpahayag sini nga welcome development ang plano apang wala siya nakahibalo kun paano ini himuon kag madamo siya sang concerns tuhoy diri.


Una na diri ang indi pagsapol sa ila, apisar nga nakig-angot man sa iya si former Congressman Albee Benitez nga isa man sa likod sang plano nga ipaidalom sa mass testing ang 10,000 individuals sa Bacolod, Silay, Talisay, Bago, kag banwa sang Murcia sa Agosto 28-31.

Suno kay Dr. Drilon, isa sa dapat sa ikonsiderar sang mga opisyales sang ciudad kag probinsiya ang nagkalain-lain nga makina nga ginagamit sang lima ka laboratory sa Negros Occidental kag ang kapasidad sang mga ini. Kun tingubon ang lima ka mga laboratories suno kay Dr. Drilon, kapin sa 1,700 per day lang ang ma-proseso sang mga ini.

Ginakwestyon man ni Dr. Drilon kun diin dal-on ang mga maga-positibo sa test kag paano patigayunon ang contact tracing na naman. Suno pa sa doktor, kinahanglanon man ang dugang nga medical technologists kag enconders para sa sini nga mga plano agud madasig ang testing kag reporting.

Samtang, ginpahayag dugang ni Drilon nga indi sila magbaton sang swab samples gikan sa 10,000 target kun indi mahitso ang problema sa suplay kag wala sang dugang nga mga protective equipments bangud indi niya luyag irisgo ang ila laboratory operators.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments