Dise nuebe ka mga miyembro sang New People’s Army nga nagaoperate sa South Cotabato nagsurender.

27

Nagalab-ot sa dise nuebe ka mga miyembro sang New People’s Army (NPA) nga nagaoperate dire sa probinsya sang South Cotabato ang panibag-o nga nagsurender sa katapo sang Regional Intelligence Unit sang PNP 12 sang nagligad nga semana.
Suno kay South Cotabato Governor Reynaldo S. Tamayo Jr., ang mga nagsurrender ang naghalin pa sa mga banwa sang Banga, Lake Sebu, Surallah, Tampakan, Polomolok, T’boli kag may yara sang halin sa Senator Ninoy Aquino, Sultan Kudarat.
Upod sa ginsurender sang mga ini ang nagkalain-lain nga kalibre sang armas luthang kapareho sang M16, M14, shotgun, carbine kag iban pa.
Ginpahayag man ni P/Lt Col Christopher Bermudez PNP RIU nga sa idalom sang Guerilla Front Musa ukon Front 73, ang pinakadaku nga Guerilla Front sa bilog nga South Cotabato ang nasambit nga mga rebel returnees kag lakip sa mga nagsurender ang organizer sang Center for Lumad Advocacy Networking Services (CLANS) nga nagarecruit sang mga manunudlo nga magdoctrinate sa mga kabataan kag lima man sa ila ang team leader.
Kakapoy suno pa sa pagpangabuhi sa kabukiran kag bangud man sa bulig sang gobyerno sa ila mga kaupdanan nga una na nagsurender ang rason kon ngaa nagdesisyon ang mga ini nga magbalik sa sabak sang gobyerno.
Nahibaluan nga ang mga rebel returnee’s ang makabaton sang P 85,000 nga immediate assistance magluwas pa sa firearms remuneration, bulig halin sa DSWD, TESDA National Housing Authority kag iban pa nga ahensya sang gobyerno.

Facebook Comments

From Advertisers