Dise sais ka mga barangay sa South Cotabato nakabaton sang patrol vehicles, Governor Fuentes may pangabay sa mga kapitan.

Nakabaton ang16 ka mga barangay sa probinsya sang South Cotabato sang barangay patrol vehicles halin sa provincial government sa ginpatigayon nga turn-over ceremony sang nagligad nga semana.
Ang nasambit nga mga salakyan ang may kabug-usan nga kantidad nga P 6.3 million kag ginlakipan sang 4 ka 4×4 kag 12 ka 4×2 vehicles. Lakip sa nakabaton sang 4×4 nga barangay service vehicles ang Barangay Poblacion kag Lamdalag sang Lake Sebu, Barangay Lam-Apos sang Banga kag Barangay Klubi sang Lake Sebu. Samtang, 4×2 nga salakyan naman ang nabaton sang barangay San Jose kag Kibid sang Norala; Bukay Pait sang Tantangan; Yangco, Lambingi kag Rizal Poblacion sang Banga; New Dumangas, Edwards kag Talufo sang T’Boli; Lambontong sa Surallah kag Barangay Seloton kag Hanoon sa Lake Sebu.
Sa turn over, naghingyo si South Cotabato Governor Daisy Avance Fuentes sa mga barangay officials nga halungan kag usaron sa eksakto ang nasambit nga mga salakyan ilabi na sa pagdul-ong sang mga basic services sa mga pumuluyo kag sa tion sang emerhensiya.

Facebook Comments