Diskwento sa gasolina, yangongo sa mga drayber sa pampasaherong sakyanan

22

Yangongo karon sa kadaghanan sa mga drayber sa pampasaherong sakyanan nga mahatagan og diskwento gikan sa gobyerno sa gasolina gumikan sa padayon nga pagsaka sa presyon niini.

Kini ang gihangyo ni Joel Gabatan, Regional Coordinator sa National Confederation of Transport Union (NCTU)-Northern Mindanao atol sa interview sa RMN DXMB Malaybalay.


Sumala ni Gabatan nga daghan ang maapektuhan kung ugaling ipasaka ang pletehan sa mga pampublikong sakyanan maong nga hangyo nila sa gobyerno nga matagaan og diskwento.

Dugang niya nga kung dili mahatagan og pagtagad ilang pangamuyo mapugos gayud sila nga mupasaka sa pletehan.

Gisulti usab ni Gabatan nga pipila sa mga drayber misulod nalang sa pagkontruksyon gumikan napud sa maong problema.

Sa pikas nga bahin, posible usab nga mahatagan og cash assistance ang mga Public Utility Drivers kung ugaling dili maaprobahan ang fare hike gumikan napud sa taas nga presyo sa gasolina.



Maong paghangyo ni Gabatan nga tubagon sa gobyerno ilang pangamuyo kay looy ang kahimtang sa mga drayber ilabi na ning panahon sa pandemya.

Facebook Comments