Dissolution of marriage, posibling legal apan dili moral matud ni IFI Bishop Ablon

*Dili gayod unta angayang mabugto ang kaminyoon sa magtiayon kung ang basihan mao ang balaod sa simbahan.*

* Kini ang gipahayag ni IFI Pagadian Bishop Antonio Ablon, ang presidente sa Mindanao Bishops Conference. *

* Apan kung moabot matud pa sa punto nga makaluluoy na ang usa ka indibidwal ug wala nay mahimo ang simbahan, bisan sa pagpaningkamot niini pagtabang sa maong kaminyuon, maayo na lamang siguro ang lakang nga dissolution of marriage kon panagbulag.*


* Apan dugang pa ni Bishop Antonio Ablon, nga angayan usab tan-awon sa mga magbabalod kon unsay hinungdan kon nganong nahitabo ang pagkawala sa maayong relasyon sa usa ka magtiayon. *

* Mahinumdoman, nga aduna usab balaod sa yuta ug posibling mapatuman ang dissolution of marriage kon maaprobahan kini sa mga magbabalaod, apan angayan tan-awon kung unsa ang tumong sa nagpasar niini nga balaodnon. *

* Nasayran nga ang maong sugyot balaodnon gipasar sa Kongreso ni House Speaker Pantaleon Alvarez, aron matud pa mahatagan sa kalinaw ang magtiayon nga wala na magkasinabtanay.*

* By: Kasamang Ellah Baculio*

Facebook Comments