Distribusyon sang mga manok sa mga 4P’s Beneficiaries sa siyudad, maanomaliya suno kay Councilor Ely Estante

91

Maanomaliya ukon may irregularidad ang distribusyon sang native nga mga manok sa mga 4P’s beneficiaries sa siyudad sang Iloilo.

Ini ang ginpahayag ni Councilor Ely Estante, chairman sang Committee on Agriculture sang CityCouncil matapos ang una nga hugnat sang imbestigasyon nga ginpatigayon sang iya Committee sa nasambit nga kontrobersiya.

Ginpahayag ni Estante nga wala gid nagsulod sa iya pinsar nga may anomaliya sa tagtaganay sang native chickens sa mga benepisyaryo kon sa diin yara man siya sang ginpatigayon ini bangud man sa imbitasyon sang City Agriculture office.

Subong man, matapois naglupok ang kontrobersiya kag sa ila ginhiwat nga imbestigasyon, iya natukiban nga may yara gid man sang irregularidad sa pagpatuman sang nasambit nga programa.

Facebook Comments