Doctor to the barrio sa Negros Occidental nagakabalaka sa bayaan nga constituents kasunod sa natalana nga pagpadala sa ila sa Cebu

23

Nagakabalaka ang isa ka doctor sa Negros Occidental kun anu ang matabo sa iya bayaan nga local government unit kun sila ang ipadala na sa Cebu para magbulig sa away kontra Covid-19. Nahibaluan nga nagligad nga Hunyo 26 ginpahibalo sang Department of Health (DOH) ang mga Rural Health Physicians ukon mga Doctors To The Barrios (DTTB) nga assigned sa Region VI kag VII nga i-pull out sila sa ila tagsa ka mga LGUs agud mag-duty sa mga hospitals sa Cebu City sa diin mataas ang kaso sang COVID-19.

Sa interview sang DYHB kay Dr. Kaye Marie Yap, Rural Health Physician sang Himamaylan City, nagakabalaka siya sa kun anu matabo sa iya bayaan nga constituents kun madayon ang pagpadala sa iya sa Cebu. Ini bangud siya man ang nagaserbe nga focal person sang COVID-19 kag incident commander sa ciudad kag nagasaka man ini sa mga malayo nga lugar agud mag check up sa mga pumuluyo nga indi malab-ot sang serbisyo medical.


Gin-athag naman ni Dr. Yap nga nahangpan niya nga dako ang problema karun sa mataas nga kaso sang coronavirus infections sa Cebu apang suno sa iya, nagapangatubang man sang problema sa virus ang iya ginaserbisyuhan nga LGU.

Ginareklamo man sini ang hinali lang nga mando sa ila nga ipadala sa Cebu bangud aminado siya bilang isa ka DTTB, wala sila sang bastante nga training sa pag-away kontra COVID-19. Sa karun nagaplano si Dr. Yap kag ang iya mga kaupdanan nga mapalab-ot kay Gov. Eugenio Jose Lacson ang ila nga pagkontra sa mando sang DOH. Masobra lima ka mga DTTB gikan sa Negros Occidental suno kay Dr. Yap ang posible nga ipadala sa Cebu kasunod sang mando sang health department.

[image: image.png] [image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments