DOH 12, GIKLARONG WALAY LOCAL TRANSMISSION SA REHIYON

22

General Santos City– Gipaklaro sa Department of Health Region 12 nga wala pay naitala nga local transmission sa covid-19 sa SOCCSKSARGEN Region.

Kini ang giklaro ni Arjohn Gangoso, tigpamaba sa DOH Center For Health Development SOCCSKARGEN Region.


Kasagaran matud pa sa mga nagpositibo mao ang mga LSI ug ROF nga dili ma-handle ug tarong samtang anaa pa lang sa kauluhan rason nga kinahanglan gyud nga mag-coordinate sa matag LGU aron nga ma-isolate kining mga nag-abot sa nagkadaiyang lugar sa rehiyon.

Hugot matud pa nilang gina-montor ang matag kumunidad, hospital ingon man sa mga isolation facility matag adlaw aron masigurong walay kaso sa local transmission.

Dugang pamahayag ni Gangoso nga adunay dakong posibilidad nga mutaas pa ang kaso sa covid sa rehiyon tungod sa padayong pag-abot sa mga LSI ug ROF.

Kung basehan matud pa ang Covid-19 tracker sa Rehiyon, kasagaran sa mga nagapositibo ang gikan sa sektor sa mga LSI ug ROF nga adunay dalang virus paggikan sa ilahang mga lugar nga gihawaan.

Busa hangyo nila sa tanang LGU nga ipatuman gyud ang hugot nga isolation sa tanang musulod sa nagkadaiyang lugar aron nga malikayan ang local transmission.(LVR)




Facebook Comments