Indi pa mahimo ipaidalum sa COVID test ang tanan nga patient under investigation ukon PUI kag Person under monitoring ukon PUM sa siyudad kag probinsya sang Iloilo.
Ini ang sabat sang DOH-6 sa panawagan ni Mayopr Jerry Trenas kag sang mga alkalde sa probinsya sang Iloilo agud mas temprano nga mahibaluan kon positibo ukon indi ang mga ini kag gilayon nga mahatagan sang nagakaigo nga pag-atipan.
Ginpaathag ni Dr. Jane Juanico, focal person on COVID-19 sang DOH 6 nga sa karon, may duha lamang ka personnel ang testing center sa WVMC kag duha lamang ang ginagamit nga PCR machine sa pagproseso sang COVID test kabangdanan indi pa sila maka-accommodate sang madamo nga samples.
Dugang pa ni Dr. Juanico nga sa karon, ginaprioridad sang ahensya nga ipaidalum sa covid test ang mga PUI nga may edad na kag mahina ang immune system.
