DOH 9 target ang zero firecracker-related injuries sa pagsaulog sa pasko ug bag-ong tuig.

17

Pila ka adlaw ayha ang pasko ug bag-ong tuig, ang Department of Health (DOH)-9 ang sa gihapon subli nga nagpasidaan sa publiko nga mag-amping diha sa pagpalit ug mga pabuto ug likayan ang mga iligal nga produkto nga gibaligya sa merkado.

Ang DOH-9 mipahigayon karong bag-o ug usa ka media forum mahitungod sa ilang annual “Iwas Paputok” campaign dala ang temang “OPLAN: Iwas Paputok, Fireworks Display ang Patok! Makiisa sa Fireworks Display sa Inyong Lugar”nga gihimo sa Mibang Hotel sa dakbayan sa Dipolog karon lamang bag-o.

Ang “Iwas Paputok” campaign nagtumong sa pagpaubos sa kaso sa mga firecracker-related injuries o kamatayon, ug damage to properties atol sa pagsaulog sa pasko ug bag-ong tuig.

Matud pa ni Chrystal Intal, Health Education and Promotions Officer sa DOH-9 nga ang DOH ang nag-awhag sa mga local government units kon LGUs nga manguna sa community fireworks ug magpahinumdom sa pagdili sa mga indibidwal sa dili paggamit sa mga pabuto ug susamang butang aron maminusan o dili ba makab-ot ang zero firecracker-related injuries.

Base sa datus sa DOH-9, ang probinsya nakatala ug 7 ka firecracker-related injuries gikan sa December 21, 2016 hangtud January 5, 2017.

Kalabot niini, ang “LGUs mamahimo usab nga mopatuman ug usa ka ordinansa nga magdili sa paggamit ug mga pabuto ug niini mag-awhag sa mga residente nga mogamit na lamang ug mas safe nga laing alternatibo sa pagsaulog sa pasko ug bag-ong tuig. *-30- (M.L)*

Facebook Comments