DOH, ginpaandaman ang mga nagapaanaad sa mga sakit nga mahimo makuha sa tuman ka init nga panahon

15

i Balita
April 14, 2019
(Photo From Web)
DOH, ginpaandaman ang mga nagapaanaad sa mga sakit nga mahimo makuha sa tuman ka init nga panahon
Ginpaandaman sang Department of Health (DOH) ang publiko sa heat stroke kag iban pa nga sakit nga mahimo makuha subong nga mainit ang panahon.
Ini kasunod sang mga nagabakasyon sa nagkalain-lain nga lugar para sa Semana Santa.
Suno kay DOH Undersecretary Eric Domingo, kon mag Visita Iglesia, magbalon sang madamo nga tubig, mga pagkaon nga indi gilayon mapan-os , kag payong.
Ang tuman ka init nga panahon ang makapataas sang blood pressure ilabi na sa mga may hypertension.
Likawan man nga magpatial sa init halin alas 10:00 sang aga tubtob alas 3:00 sang hapon kon sa diin tuman ka taas ang temperatura.
Sa mga magabiyahe sa Holy Week, mas maayo nga magdala gid sang bulong kag first aid kit.

Facebook Comments

From Advertisers