DOH: Private hospitals tabangan sa pagakomodar og severe & critical COVID cases

Davao City – Andam ang Department of Health (DOH) nga muasister sa mga private hospitals dinhi sa dakbayan sa Davao aron maka-admit og mga severe ug critical cases sa COVID-19.

Sa eksklusibong interbyu sa RMN Davao kang Health Undersecretary Leopoldo Vega, kinahanglan na nga mag-alokar ang mga pribadong ospital og mga beds aron dili kanunay mapuno ang Southern Philippines Medical Center (SPMC).

Usa mga gikinahanglan mao ang Nasal Oxygen Cannula Machine nga sumala ni Vega pweding makatanyag ang DOH niini.


“Kinahanglan nga naa nay participation ang mga private hospitals kay kundili man gud nato ablihan og gamay ang atong mga private hospitals maglisod ang SPMC ug magdugay ang mga pasyente sa hospitals ug mao nay makakalat samot sa virus,” segun ni Vega.

Gibutyag ni Vega, gamay kaayo ang partisipasyon sa bed allocation ang mga private hospitals dinhi sa Davao Region para sa mga moderate, severe ug critical patients sa COVID-19 nga anaa ra sa 13% kung itandi sa ubang rehiyon sa nasud nga anaa sa 18-19%.

RadyoMaN Aimee Guinita

Facebook Comments