DOH: Rising HIV incidence alarming na

71

Davao City – Gikonsidera na karon nga ‘alarming’ na kaayo ang padayon nga pagsaka sa kaso sa HIV-AIDS sa syudad ug ang pagdaghan sa mga batan-on karon diin lakip ang nagpangedaron pa lamang og 14 anyos nadiskubrehang pinakabata nga naigo sa maong balatian.


Ang bag-ong datos sa Department of Health (DOH-XI) nagpakita nga bisan ang mga batan-on karon dili na usab makumpiyansahan kun may HIV ba o wala nunot sa ilang kinaiya nga tira-pataka sa pakighilawas.

Sumala ni Diding Lopez, usaka LGBT, mas nalabwan na gani sa mga batan-on ang kaso sa LGBT nga may natalang dakung por ciento sa mga nagsakit og HIV-AIDS sa tibuok dakbayan.

Gibasol ni Lopez ang pornography sites sa internet or social media tungod kay naghatag kini kanila’g ideya sa sayo nga pakighilawas diin ang uban wala gagamit og condom alang sa luwas nga sexual activity.

Alang ni Lopez, ang pinakamaayo nga pangsumpo sa pagkuyanap sa makamatay nga balatian mao nga ang matag usa magbaton lamang og usa ka partner ug dili magpataka og pakighilawas bisan pa og kaila.

Tambag ni Lopez sa mga nagahimo sa dili luwas nga sexual activity ug kadtong adunay multiple sexual partners nga magpa-checkup sa ilang kondisyon aron samtang sayo pa, mahibaw-an na kun may sakit ba sila nga HIV-AIDS o wala.

Dugang ni Lopez nga mao lamang kini ang pinakamaayo nga pamaagi aron madapatan dayon og tambal ang maong balatian aron sa ingon, mutaas pa ang kinabuhi sa usa ka ‘Person with HIV-AIDS.’




RadyoMaN Joel Viray

Facebook Comments