DOH-XI: 12 establishments nakatala og COVID-19 cases

26

Davao City – Aktibo karong nakig-koordinar ang Department of Health (DOH-XI) sa Department of Labor and Employment (DOLE) ug sa Local Government Units (LGUs) human nasayrang adunay dose (12) ka mga work establishments sa rehiyon ang nagbaton og kaso sa Coronavirus Disease 2019 (COVID-19).

Atol sa One Davao on COVID-19 Virtual Presser, gibutyag ni Dr. Lenny Joy Rivera, Assistant Regional Director sa DOH-XI nga adunay 50 total COVID-19 cases ang natala sa maong pampubliko ug pampribadong establisyemento diin padayon karon ang gihimong inbestigasyon kung asa nagsugod ang kaso.

Gibutyag ni Rivera nga pribado’ng establisyemento ang kadaghanan sa maong ihap diin kinahanglang masusi o mamonitor kung istrikto bang gipatuman sa mga establisyemento ang COVID-19 protocols ug pagsunod sa mga trabahante sa infection control batok sa COVID-19.

“DOH would like to inform everyone, other establishments to be strict when it comes to implementing the minimum health protocols sa workplace nila kasi dumadami na po ‘yung number of work establishments na nagkakaroon po tayo ng clustering of cases,” esplikar ni Rivera.

RadyoMaN Kirby Manzon

Facebook Comments