DOH-XI: Kapin 700k target bakunahan sa 3-day nat’l vaccination drive

35

Davao City – Mokabat sa 753,294 ka indibidwal ang target sa Department of Health (DOH)-XI nga mabakunahan sa tulo (3) ka adlaw nga Coronavirus Disease 2019 (COVID-19) National Vaccination: Bayanihan, Bakunahan.

Giawhag ni Dr. Annabelle Yumang, Regional Director sa DOH-XI ang mga ahensya sa gobyerno ug pribadong institusyon alang sa 3-Day National Vaccination nga himuon sa November 29 hangtud December 1, 2021.

Gihangyo ni Yumang ang kooperasyon sa pagpangita sa mga dili pa bakunado batok COVID-19 aron sila mabakunahan ug maproteksyonan gikan sa makatakod nga balatian.


“Mutabang kita sa pagpangita sa mga wala pa nabakunahan, paglista niini at pagkumbinsi sa ilaha. So para sa mga wala pa nakapabakuna ug kadtong wala pa makumpleto ilahang 2 doses, panahon na ninyo kay atong ipaduol ang vaccination sa mga barangay,” saysay ni Yumang.

Una na nang gisaysay ni Davao City Mayor Sara Duterte-Carpio, dakong tabang ang National Vaccination Days sa pagkab-ot sa herd immunity nga gina-target karon sa lokal nga panggamhanan.

RadyoMaN Kirby Manzon



Facebook Comments