DOH-XI: Minors’ vaccination sa rehiyon lauman sa Nobyembre

39

Davao City – Gianunsyo na sa Department of Health (DOH) Davao Region ang mga kinahanglang rekisitos ug mamahimong sistema panahon nga i-rollout na ang pagbakuna sa mga menor de edad dinhi sa rehiyon nga lauman sa Nobyembre karong tuiga.

Atol sa DOH-XI Virtual Presser, gipahinumdom ni Dr. Janis Olavides, Vaccination Team Leader sa DOH-XI, sa Local Government Unit (LGUs) nga sa ospital himuon ang unang pag-rollout sa minors’ vaccination (12-17 anyos) diin himuong prayoridad niini kadtong minors with comorbidities kun adunay balatian.

“Since the vaccination flow is the same, the different are the documents. Unang-una, there should be medical certificate coming from a pediatrician or their physician signifying kung ano po yung sakit ng bata. Pangalawa, there should be legal document regarding relationship kung sino yung kasama ng bata sa vaccination site,” sulti ni Olavides.


Matud ni Olavides nga magdepende usab sa LGU kung sila magpahigayon og masterlisting, basta kinahanglang mapaabot ang impormasyon sa mga ginikanan.

Sa pagkakaron, giawhag sa health official ang tanang LGU nga paningkamutan nga mabakunahan ang ilang mga senior citizens aron nga masugdan na usab ang rollout sa minors sa Davao Region nga gilauman sa sunod bulan.

Kahinumduman nga unang gi-pilot ang pediatric vaccination sa National Capital Region (NCR) niadtong October 15, 2021 ug plano pa kining palapdan human kini nahimong hapsay ug malampuson.



RadyoMaN Kirby Manzon

Facebook Comments