DOH XI nurse ug surveillance officer sa CHO dakpan sa droga

74

Davao City – Kasuhan og paglapas sa RA 9165 ang usa ka DOH Nurse ug na-deploy isip Surveillance Officer sa Davao City Health Office human kini nadakpan sa joint buy bust operation sa mga awtoridad.

Sa interbyu sa RMN Davao kang Davao City Police Office (DCPO) spokesperson Police Captain Rosario Aguilar, gikonsiderang Top Seven Regional Level Drug Watchlist ang suspek nga si Katherine Suico Dejillo alias “Madam” 36 anyos.


Nadakpan kini human positibong napalitan og droga atol sa joint drug buy bust operation sa DCPO, SOG (Led Unit), PS5 Buhangin ug PDEA 11 sa Barangay Indangan ning dakbayan.

Mobalor sa 5 grams o P80,000 ang estimated street market value sa mga shabung nasakmit sa dinakpan.

Gibutyag ni Aguilar kanhi ng nadakpan ang suspek niadtong Agosto 2017 sa Talomo PNP ug na-release kini niadtong Setyembre 2019 under probation.

“Naka-probation man gud ni siya, daan na siya naay record sa ato. Namatikdan na man pod nga namaligya siya mao tong nag buy bust operation na sad ta,” sumala niini.




RadyoMaN Aimee Guinita

Facebook Comments