Davao City- Kasong reckless imprudence resulting to homicide and frustrated homicide resulting to damage property ang atubangon sa driver sa usa ka SUV human gibanggaan ang usa ka van truck nga miresulta sa kamatayon sa usa ka doktor ug pagkaangol sa duha ka mga nurse kagabii sa Bunawan syudad sa Davao.
Sumala sa imbestigasyon sa kapolisan sa bunawan, ang maong driver giila nga si Joshua Abagon, 37 anyos , nagpuyo sa Visayan Village, Tagum City nga maoy nagmaneho sa usa ka Montero nga dunay plate number AED 552, human mibangga sa usa ka Isuzu van truck nga dunay plate number ABK 1925 nga gimaneho ni Roger Lauron, nagpuyo sa Maragusan, Comval Province.
Nahitabo ang digrasya alas 11:10 kagabii sa Km.22, Bunawan samtang ang van truck nagdagan gikan sa norte padulong sa south nga bahin sa dihang kalit na lamang gibanggaan sa usa ka Mitsubishi Montero nga nawad-an ug kontrol hinungdang mibangga atubangan sa bahin sa van truck.
Namatay sa maong insidente si Dr.Vicente Gerona Jr., nagpuyo sa Manikling, San Isidro Davao Oriental, samtang ang mga naangol mao sila si Enricky Agmata, 27 anyos ug Nico Rey Salinas, 36 anyos, pulos registered nurse ug parehong nagpuyo sa Maco, Comval Province.
Kasamang Bernard Pantallon
