DOLE 12 ginpaidalom sa mobile livelihood orientation ang 52 ka mga beneficiaries sa banwa sang Lake Sebu.

24

Naglab-ot sa 52 ka mga beneficiaries halin sa Sitio Blit , Brgy. Ned Lake Sebu, South Cotabato ang ginpaidalom sa mobile orientation sang Department of Labor and Employment ukon DOLE 12 sang kabuhayan program sini.
Suno kay DOLE-South Cotabato Field Office (DOLE-SCFO) Provincial Director Arlene Bisnon sa subong ginapreparar na ang mga nagakaigo nga mga dokumento para sa napili nga livelihood projects sa nasambit nga mga benepisyaryo agud nga marelease naman.
Sa mensahe ni DOLE 12 Regional Director Raymundo Agravante nga ang mga indigeneous people ang isa man sa priority beneficiaries sang DOLE Integrated Livelihood Program (DILP) kag maayo suno pa nga ang TESDA kag iban pa nga ahensya sang gobyerno ang naghatag sang skills training sa mga ini para mapaumwad ang livelihood project.
Ginpatigayon sang DOLE ang nasambit nga aktibidad kadungan sa paglunsar sang Indigenous People Empowered bilang Agripreneurs (IPEACE) kag TESDA Alay ay Liwanag at Asenso (TALA) sa Sitio Blit, Barangay Ned, Lake Sebu sang Regional Task Force to End Local Communits Armed Conflict (RTF-ELCAC) XII nga miyembro man ang ahensya.
Ang RTF-ELCAC ang regional counterpart sang NTF-ELCAC paagi sa Executive Order No. 70 ukon ang pag- institutionalized sang whole-of-nation approach nga may katuyuan nga tapuson ang local communist kag armed conflict sa rehiyon.

Facebook Comments