DOLE 12 magapatigayon sang virtual Job and Business Fairs subong nga selebrasyon sang Labor Day.

15

Magapatigayon sang virtual Job and Business Fairs (Trabaho, Negosyo, Kabuhayan) ang Department of Labor and Employment ukon DOLE 12 sa bulig sang opisyal partner sini nga Workbank halin Mayo 1-3 kabahin sang aktibidad sini sa selebrasyon sang Labor day.
Katuyuan sang nasambit nga aktibidad nga i-promote ang employment, business kag livelihood opportunities agud malab-ot ang desenti kag produktibo nga trabaho.
Suno kay DOLE 12 Assistant Regional Director Arlene Bisnon sa mga interesado sarang nga makaparehistro kag mag-apply paagi sa pagclick sa link sa FB page sang DOLE 12.
May-angot sini, nagalab-ot na sa 26 ka mga employer ang nagpartisipar kag may-yara sang masobra 900 ka mga job vacancies sang tinalikdan nga adlaw nga datos sang ahensya ang sarang aplayan sang mga jobseekers.
Ginkumpirmar man ni ARD Bisnon nga nagalab-ot na sa masobra duha ka libo ka mga aplikante ang nagparehistro sa nasambit nga virtual Job and Business Fairs.
Nagalaum naman sila suno kay ARD Bisnon nga madamo pa sang mga magpartisipar nga mga employer kag aplikante sa nasambit nga aktibidad sang DOLE 12 subong nga selebrasyon sang Labor Day.

Facebook Comments