Diin kagahapong adlawa lang, muabot sa kapin usa ka libong trabaho ang gitanyag sa DOLE Bukidnon sa ilang gipahigayon nga Job Fair dinhi sa dakbayan sa Malaybalay kauban ang lokal nga pangagamhanan pinaagi sa buhatan sa Public Employment Service Office (PESO)-Malaybalay human nga adunay kapin 30 ka mga kompanya ang misalmot usab niini.
Sa maong Job Fair nga gipahigayon kagahapon, ubay-ubay na usab sa mga aplikante ang deretsong na hire human kini nga misalmot sa maong kalihukan ug mipasa og aplikasyon ngadto sa mga kompanyang buot applayan.
Samtang, nakatakda usab nga mupahigayon og usa ka Job and Business Fair sugod ugmang adlawa hangtud Mayo 19 ang DOLE Bukidnon kauban ang Central Mindanao University (CMU) kung asa lauman usab ang muabot sa kapin duha ka libo ka mga bakanteng trabaho ang mahimong applayan sa mga aplikante pinaagi sa pagsalmot niini.
Ang maong himoong Job Fair ipaagi lamang sa virtual pinaagi sa link nga Schools.Jobs180.com/CMU ug live usab kini sa facebook page sa CMU.
