DOLE, target nga maubsan ang ihap sa child labor ngadto sa 630,000 pag-abot sa tuig 2022

Malaybalay City, Bukidnon – Target karon sa Department of Labor and Employment (DOLE) nga mapa-ubsan ang ihap sa child labor sa nasud pag-abot tuig 2022.

Sa interview sa RMN Malaybalay ngadto kang DOLE Undersecretary Joel Maglunsod gibutyag niini nga sa karon anaa sa 2.1 million ang natala nga child labor sa tibook Pilipinas.

Matud niini nga target nila nga makunhuran ang child labor gikan sa mao nga ihap ngadto sa 630,000 sugod sa 2017 hangtod 2022.


Una na nang gihingusgan sa DOLE ang ilang kampanya pagmonitor sa mga business establishments aron masumpo ang child labor ug hingpit na kini nga mahunong pag-abot na sa tuig 2025.

Tuyo nila nga mahaw-as gikan sa child labor ilabi na kadtong anaa sa sektor sa agrikultura ug sa mga minahan.

Facebook Comments