DOLE, umapela sa mga kumpanya na palawigin ang employment ng mga manggagawa sa gitna ng COVID-19 pandemic

204

Umaapela ang Department of Labor and Employment (DOLE) sa mga kumpanya na palawigin ang employment ng kanilang mga manggagawa.

Ito ay kasabay ng planong pagsasara ng ilang establisyimento o pagtatanggal ng mga empleyado sa harap ng COVID-19 pandemic.


Ayon kay DOLE Assistant Secretary Dominique Tutay, may ilang establisyimento na nag-abiso sa kanila na magpapatupad lamang ng flexible working arrangement o kaya ay temporary closure ay nagbabadyang tuluyang magsara.

Sinabi ni Tutay na tinatalakay na sa Kongreso ang economic recovery packages para sa mga empleyadong apektado ng COVID-19.

Mayroon din silang ₱51 billion aid package para sa middle class workers na nagtatrabaho sa mga maliliit na negosyo o kumpanya.

Sa ngayon, nakapagbigay na ang DOLE ng aabot sa ₱441 million na halaga ng cash assistance sa mga empleyado sa iba’t ibang bahagi ng bansa na hindi makapasok sa trabaho bunsod ng ipinapatupad na quarantine measures ng pamahalaan.

Facebook Comments