DOS PERSONA ARESTAO NA ASUNTO DE DROGA

Arestao el dos persona desfues fuede cuji na diila posesyon el tres pakete de droga prohibido durante el operasyon contra droga prohibido del Presinto Onse.
Asegun con el hefe del Presinto Onse Supt. Areston Limos, ya conduci el su personajes drug buy bust operation na vicinidad del Enriquez Drive, Sta. Catalina pasada alas-sincgo ayer por la tarde, donde ya fuede sila aresta canda alman Hadjula y Kainnong, 36, y Zidmarin Hadjula y Abubakar, todo residentes del mismo lugar.
Fuera con el tres pakete shabu, ya fuede tambien confisca el marked money y cuantos mga drug paraphernalias na poder del mga suspechao, inclujido ya el un unit de Honda XRM motorsiclo amarillo con plaka numero 6034.
Presentamente, el dos suspechao detenido na selda del Presinto Onse pendiente el plantada de caso contra canila na korte. – *Bhong Simbajon/RMN News*

Facebook Comments