Dose anyos nga batang lalaki aksidenting napusilan sa iyang amahan, Kritikal

52

Pagadian City – Gipaslak na karon Pagadian City Police Station lock-up cell ang 35-anyos nga amahan nga aksidenteng nakapusil sa iyang 12 anyos nga anak sa Purok Muslim Village, Barangay Kawit, ning syudad sa Pagadian alas 6:00 sa buntag niadtong adlaw nga sabado.
Kritikal karon ang dose anyos nga batang lalaki nga napusilan sa iyang amahan nga si Brando Gaosil, residente sa nasangpit nga lugar.
Sa inisyal nga imbestigasyon nasayran nga samtang nagkalalis ug nag-away ang ginikanan sa biktima nga sila si Brando ug Sarah Gaosil nisulay pag-ulang ug pagpakalma ang menor de edad apan aksidenteng nakablit sa amahan ang gihuptan niini nga calibre nga pistola.
Igo ang ulo sa dose anyos nga bata hinungdan nga daling gidala sa pinakadool nga ospital.
Malampuson usab nga nadakpan sa niresponde nga kapulisan ang suspek ug nakuha sa iyang posisyon ang calibre 45 nga pistola.

Facebook Comments

From Advertisers