Davao City – Mamahimo na nga maka operate sugod karong bulan sa Setyembre ang anaa sa 75 ka mga accommodation establishments sa Davao City human kini gi-isyuhan og Certificate of Authority to Operate (CAO) sa Department of Tourism (DOT)-XI.
Sa datos, anaa sa 25 ka hotels, 45 ka mga accommodations establishments o mga (inns, pension houses, motorist hotels, homestay, vacation homes), 3 ka resorts, ug duha (2) ka apartelles sa syudad ang maka-operate na ilawom sa Modified General Community Quarantine (MGCQ).
Matud ni Generose Tecson, Head sa City Tourism Operations Office (CTTO) nga kinahanglan nga ipatuman sa maong mga establisyemento ang standard health protocols nga gipatuman sa Inter-Agency Task Force (IATF) ug sa lokal nga gobyerno.
Dugang sa CTOO Head nga regular usab nga i-monitor ug i-inspeksyon ang pagsunod sa maong mga establisyemento sa guidelines ug protocols nga ginapatuman labi na sa pagbatok sa Coronavirus Disease 2019 (COVID-19).
RadyoMaN Kirby Manzon
