Double murder case ipasang-at batok sa suspek nga nipatay sa iyang kabanay

96
Davao City – 2 counts of murder ang ipasakang kaso batok sa suspek sa pagdunggab patay sa iyang bayaw ug ugangan sa Diamond Village, Matina Aplaya, Davao City.

Nadakpan sa kapulisan ang suspek nga si Reo Aquino Ballenas, 30 anyos, kinsa nisulay og ikyas human mahimo ang krimen.

Sa interbyu sa DXDC RMN Davao kang Police Major Noel Villahermosa, station commander sa Talomo Police Station, giila ang mga biktima nga sila Geraldine Manrique ug Panfilo Manrique.

Samtang sa ekslusibong pakighinabi sa DXDC RMN Davao sa kabanay sa mga biktima nga si Grace, una nang nag-away ang suspek ug live in partner niini nga si Jane ug usa sa hinungdan usab ang eleksyon apan pagpaklaro nga dili national candidates ang giawayan niini.

Mihawa si Jane sa balay ug miadto sa Bukidnon apan posibleng naaburido ang ulo sa suspek ug napahimungtan sa away-magtiayon ang mga biktima.

Sa imbestigasyon, gidunggab-patay sa suspek ang iyang bayaw nga nakaangkon og 6 stab wounds samtang ang lalaki nakaangkon og 8 stab wounds.



Gisaysay sa silingan, nadungog nila ang grabeng lalis sa mga biktima ug suspek ug nagkadugo ang kamot sa suspek paggawas sa giabangan nilang panimalay.

Narekober sa crime scene ang 12 inches nga kutsilyo.


Samtang ang mga menor de edad nga anak sa suspek nakuha na sa pamilya.

RadyoMaN Aimee Guinita

Facebook Comments