Davao City – Gikatakdang hulipan ensigida sa Department of Public Works and Highways (DPWH-XI) og bag-ong mga bolts ang mga beams sa San Rafael Bridge sa Maa, ning syudad.
Matud ni DPWH-XI spokesperson Dean Ortiz, siya nagbutyag nga aduna na silay gitahasan nga mosusi kun kinsay nagpaluyo sa pagtangtang kun pagkawat sa mga bolts.
Nanawagan si Ortiz ngadto sa mga residente sa maong lugar nga motabang sa pagbantay aron masakpan ang mga tawong adunay dautang tumong.
Sa pikas bahin, tutokan usab kini ni Brgy. Capt. Tata Llubit sa Barangay 9-A Poblacion uban ang bahad nga ipakaon niini ang gisikwat nga mga bolts ngadto sa nanghilabot niini.
Nasayran nga anaa sa kapin 30 ka mga bolts ang nangawala sa maong tulay, hinungdan nga gilayong i-restore kini sanglit safety sa mga motorista ang at stake niini nga imprastraktura.
RadyoMaN Jason Amisola
