CAUAYAN CITY – Nadakip ang isang Street Level Individual (SLI) matapos magsagawa ng anti-illegal drug buy-bust operation ang Maddela Police Station.
Ang suspek ay kinilala bilang si alyas “Jeric”, 38-anyos, isang drayber, at naninirahan sa Villa Norte, Maddela, Quirino.
Sa operasyon, nakuha mula sa suspek ang dalawang (2) heat sealed sachet ng hinihinalang shabu, buy bust money, cellphone, posporo, driver’s license, lighter, isang pakete ng sigarilyo, susi at motorsiklo.
Ang pagkakadakip sa suspek ay dahil sa pinagsanib na pwersa ng PNP Maddela katuwang ang Quirino Provincial Drug Enforcement Unit (QPDEU), Quirino Provincial Intelligence Unit (QPIU), 2nd Quirino Provincial Mobile Force Company (QPMFC), Regional Intelligence Unit 2 (RIU2), at PDEA Region 2.
Sa ngayon, nasa kustodiya na ng PNP Maddela ang suspek at sasampahan ng kasong paglabag sa Republic Act 9165 o Dangerous Comprehensive Drugs Act of 2002.
