Drayber sa motorsiklo patay human nagkapingkiay sa truck

17

Liloy, ZDN-Wala nay kinabuhi sa dihang nahidangat sa balay tambalanan ang usa ka drayber sa motorsiklo sa nahitabong aksidente didto sa may Brgy. Timan sa lungsod sa Liloy, ning probinsya sa Zamboanga del norte.

Nahitabo kini niadtong adlawng sabado sa may 12:40PM, nga kung diin gilangkuban kini sa usa ka Isuzu Ten Wheeler truck nga fish carrier nagtangag sa plaka numero RJC417, gipanag-iyahan kini sa Jordan Fishing Corporation nga gimaneho ni Marlon Nesnia Egot, 55 anyos, taga Mampang Zamboanga City.

Sa nakuha nga impormasyon sa PNP Liloy, nasayran nga usa ka Kawasaki Baja, gimaneho ni Pablito Taborada Sotabento, 51 anyos uban ang duha ka angkas niini nga pulos menor de edad nga mga batang babaye.

Ang matod pa kining motorsiklo ug ten wheeler pareha kining naglawig sa pareha nga direksyon ug misulay kini pag overtake ang motor sa tuong bahin ug aksidente kining misagi sa truck nga miresulta sa pagkabalintong sa ilang gisakyan.

Nakaangkon ug grabaeng bun-og ang mga sakay sa motorsiklo lakip na ang drayber nga gisulayan ug dala sa tambalanan apan way swerte ang gibugtuan kini sa iyang kinabuhi.

Ang mga angkas niini nga menor padayon pang nagpaalim sa ilang mga bun-og hangtod karon.

Samtang ang maong mga sakyanan anaa gikustudiya sa PNP liloy alang sa tukmang disposasyon.

Facebook Comments