Ginbawian sang kabuhi ang drayber sang motor kag pilason naman ang angkas sini sa aksidente nga nalapakan sang truck ang motor sa National Road sang Osmeña Avenue, Barangay 5 syudad sang Victorias.
Ginkilala ang drayber sang motor nga napatay kay Joseph Pareñas, 52 anyos sang Barangay 1 banwa sang Manapla, samtang pilason naman ang angkas nga si Frances Buenaflor sang amo man nga lugar.
Suno sa imbestigasyon, pareho ang direksyon nga dalan nga gina-usoy sang duha ka salakyan sang ma-alang-alang ang motor sa nasundan sini rasun nga hinali nga nagpreno kag natumba kag ginlapak sang truck nga ginamaneho ni Leonardo Cabugwas, legal ang edad sang syudad sang Sagay.
Patay si Pareñas matapos nga nag-angkon sang fatal nga pilas sa ulo, samtang pilas naman sa lawas ang naangkon sang angkas nga si Buenaflor.
Ang duha ang papuli na kuntani sa ila puluy-an sa banwa sang Manapla matapos nagkuha sang ila nga 13th month pay sa ila nga ginatrabahuan nga sentral.
[image: image.png]
