Driver-Body Guard sa empleyado sa usa ka Investment Scheme, Patay sa pagpamusil

46

General Santos City – Patay ang biktimang giila lang sa pangalang Bresneb Morada, 41, lumad nga taga Agusan Del Norte ug temporaryong nagpuyo sa Agan North, Gensan, gikaingong driver-body guard sa usa ka empleyado sa KAPA-Alabel Branch human kining gipusil sa wala pa mailhing suspek alas 3:15 ang takna sa may Purok Masagana, Barangay San Isidro, Gensan.

Sa inisyal nga imbestigasyon nagmaniho ang biktima ug usa ka itom nga Ford Raptor nga nagtangag ug plaka numero NDL – 2796 sakay ang duha ka wala pa maihing mga babaye.


Gilatas sa mga nasampit ang dalan sa NLSA road, barangay San Isidro apan pag-abot sa Purok Masaga kalit lamang matud pa nga mitungha ang usa ka motorsiklo sakay ang duha ka mga suspek ug kalit nga gipa-arakan sa pusil ang mga biktima.

Patay on the spot ang driver samtang wala na usab naabtan sa kapulisan ang mga kauban niini.

Narekober sa SOCO ang pito ka mga empty shell sa kalibre 45 nga pistola ug 2 ka buhing bala sa 5.56 armalite riffle.

Sa kasamtangan ang patayng lawas sa biktima ang anaa na sa lokal nga purenarya ning syudad.

Nagpadayon pa usab ang gihimong imbistigasyon sa kapulisan kalabutan sa insidente.

Facebook Comments