Driver kag backrider sang motorsiklo, pilason sa nagluntad nga disgrasya sa dalanon sa Koronadal City.

11

Duha ang pilason sa nagluntad nga vehicular accident sa Purok Macapagal, Brgy. Lopez Jaena, Norala, South Cotabato, pasado alas 7 kagab-i, Pebrero 14, 2021.
Imbolbado nga salakyan ang isa ka unit sang Hyundai Grace Van bilang V1, ginamaneho ni Foerey Fale Cabañal, 36 –anyos, residente sang Lapu-Lapu Village Brgy. Poblacion, Sto. Niño, South Cotabato kag isa ka unit sang Motorstar Nicessiio motorcycle bilang V2, ginamaneho ni Federico Ordenacion, 58 -anyos, kag may backrider nga sanday Clara Marajo Almogila, 59 -anyos, Victoriano M Almogila, 20 –anyos kag isa ka menor de edad , pareho residente sang Purok Paraiso, Brgy. San Miguel, Norala, South Cotabato.
Sa imbestigasyon sang Norala MPS, ang V1 ang padulong sa Brgy. Lopez Jaena, kag pag-abot sa nasambit nga lugar aksidente nga sideswipe sini ang motorsiklo.
Nagresulta naman ini sang pagkatumba kag hulog sang driver kag pasahero sini sa sementado nga dalan kabangdanan sa pag-angkon sang mga ini sang pilas sa mga nagkalain-lain nga parte sang ila nga lawas.
Gilayon naman ang mga ini nga gindala sa Norala District Hospital para sa medikasyon, apang ang driver sang motorsiklo ang ginrefer sa South Cotabato Provincial Hospital para sa dugang nga medikasyon.
Ang duha ka mga salakyan ang pareho nga gindala sa Norala MPS.

Facebook Comments