Driver kag pahenante sang tanker truck, naharang; Mga high-powered firearms, bala kag ilegal nga druga narekober sa mga ini!

97

Roxas City, Capiz – Arestado ang duha ka mga persona matapos nga maharang ang ginasakyan sang mga ini nga tanker truck sa national highway sa Barangay Dinginan, Roxas City.
Nakilala ang mga suspek nga amo sanday Herman Manatad y Omus(driver), 37- anyos sang Carmen, Cagayan De Oro kag
pahenante sini nga ginkilala kay Dexter Mape y Agbay, 25 – anyos sang Sitio Loob Barangay San Antonio, Quezon.
Narekober sang mga kapulisan ang isa ka unit sang .45 caliber pistol, magazine, lima ka mga bala, M-16 armalite riffle, 15 ka mga bala, duha ka magazine, duha ka cellphone kag resibo sang remittance center.
Samtang nakuha pa sa posisyon sang mga ini ang apat ka sachet sang suspected shabu, pipe, aluminum foil, lighter.
Nangin madilanag-on ang amo nga operasyon bangud sa ginhugpong nga pwersa sang Roxas City PNP kag PDEA-Capiz Provincial Office.
Nahibaluan nga halin sa syudad sang Bacolod ang amu nga mga persona kag magapadulong sa Batangas via Culasi Port buwas nga adlaw sa diin may karga nga molasses ang ginasakyan sang mga ini nga tanker truck.

Facebook Comments