Driver nga namatay sa disgrasya sa katangawan, wala pa mailhan hangtud karon

General Santos City–Hangtod karong panahuna wala pay ni-claim sa patayng lawas sa usa ka motorista kansa una nang nakabsan ug kinabuhi human nga nakabangga ug usa ka tawo sa area sa Barangay Katangawan niadtong Nobyembre 11.

Matud ni Police Major Robert Fores, Hepe sa Tinagacan PNP nga hangtud karon wala gihapoy pamilya nga nahidangat sa ilang buhatan aron nga i-claim ang patayng lawas sa biktima nga kasamtangan anaa na sa usa ka punerarya dinhi sa dakbayan.

Ang biktima nakasul-ob ug maong nga short ug naka-jacket. Nagmaneho sumala pa kini ug motorsiklo nga nagtangag ug temporary plate number.


Dugang pagbutyag ni Police Major Fores nga ang biktima posibleng hubog dihang nahitabo ang disgrasya.

Kini gumikan nanimaho ug ilimnong makahubog ang nasampit niadtong tungura.

Nabanggaan niini ang usa ka tawo kansa nakaluwas sa maong insidenti apan walay swerteng ang driver nga nakabangga maoy nakabsan ug kinabuhi.

Facebook Comments