Driver sa Fortuner nga nabangga sa punuan sa kahoy, posibling nawad-an ug kontrol

General Santos City—Gikumperma sa Traffic Management Unit nga nawad-an ug kontrol ang driver sa Toyota fortuner nga si Julius Velasco Gallanes, legal age, residenti saSoriano Subd., Barangay City Heights Gensan mao nga nabangga sa punuan sa kahoy sa may diversion road, Barangay Sinawal.

Sumala ni Po1 Lebosada, traffic Investigator sa Traffic management unit nga basi sa ilang imbistigasyon sa nahitabuan sa insidenti, kusog gyud ang dagan sa sakyanan sa biktima diin pag abot sa lugar nawad-an kini ug kontrol hangtod nga nibangga sa punuan sa kahoy na hinungdan sa kamatayon niini.

Nasayran nga pauli na unta ang biktima sa ilang panimalay gikan sa Gensan airport alas 3:45 ang takna sa hapon sa nakalabayng adlaw dihang walay swerti nga nabangga sa punuan sa kahoy nga hinungdan sa pagkayupi sa unahang bahin sa sakyanan nga miresulta usab sa kamatayon sa biktima.


Facebook Comments